काठमाडौं । नेपाल राष्ट्र बैंकले १२ अर्ब २३ करोड रुपैयाँ बढीको आन्तरिक ऋण नवीकरण गर्ने भएको छ।
राष्ट्र बैंकले २८ दिने ५ अर्ब रुपैयाँ र ९१ दिने ७ अर्ब २३ करोड ३२ लाख रुपैयाँको ट्रेजरी बिल जारी गर्न लागेको हो। यी ट्रेजरी क्रमशः २०८० चैत ६ गते र २०८१ जेठ ८ गते परिपक्व हुनेछन्।
यी ट्रेजरी बिल फागुन ८ गते जारी हुनेछ। यसको बोलकबोल आउँदो मंगलबार फागुन ८ गते दिउँसो ३ बजे हुनेछ।
ट्रेजरी बिल १ वर्ष वा १ वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो। सोही प्रयोजनका लागि राष्ट्र बैंकले ट्रेजरी बिल नवीकरण गर्न लागेको हो।
