काठमाडौं । हिमालयन लघुवित्त वित्तीय संस्था लिमिटेडको शाखा कार्यालय सुम्नाबेशी,सिन्धुलीले बीमा दावी रकम भुक्तानी गरेको छ । रामेछाप जिल्ला रामेछाप नगरपालिका वडा नं.७, बृता निवासी सदस्य जमुना श्रेष्ठको मृत्यू पश्चात निज सदस्यको श्रीमान रधुनाथ श्रेष्ठलाई बीमाको क्षतिपुर्ति रकम उपल्बध गराएको छ ।
सदस्य जमुना श्रेष्ठले संस्थाबाट २ लाख ५० हजार रुपैयाँ कर्जा लिएकोमा सदस्यको मृत्यू पश्चात संस्थाको नियमानुसार कर्जाको साँवा र ब्याज मिनाहा गरि कर्जा बिमा अन्तर्गत सदस्यको मृत्यू पश्चात दिइने काजक्रिया खर्च २५ हजार तथा तिरेको किस्ता रकम ७५ हजार १ सय समेत फिर्ता गरी जम्मा रकम १ लाख १ सय रुपैयाँ निज सदस्यको श्रीमान रधुनाथ श्रेष्ठलाई एकमुष्ट भुक्तानी गरिएको संस्थाका शाखा प्रबन्धक सरोज श्रेष्ठले बताए ।
संस्थाले आफना ग्राहक सदस्यहरुको हित तथा संरक्षण गर्न र ग्राहक सदस्यहरुलाई आपतकालिन अवस्थामा सहयोग पुर्याउने उदेश्य अनुरुप आवश्यकता अनुसार बिभिन्न कार्यक्रम तथा सहयोग रकम प्रदान गर्दै आइरहेको छ ।
