काठमाडौं । ६ लघुबीमा कम्पनीहरुले चालु आर्थिक वर्षको दोश्रो त्रैमाससम्म ७ करोड माथि बीमा शुल्क संकलन गरेका छन् । नेपाल बीमा प्राधिकरणको तथ्यांक अनुसार संचालित तीन जीवन लघुबीमा कम्पनीहरुले २ करोड ५२ लाख र तीन निर्जीवन लघुबीमा कम्पनीहरुले ४ करोड ५० लाख बीमा शुल्क संकलन गरेका छन् ।
जीवन लघुबीमा कम्पनी :
तीन जीवन लघुबीमा कम्पनीमध्ये क्रेष्ट माइक्रो लाइफ इन्स्योरेन्सले सर्वाधिक १ करोड ५७ लाख बीमा शुल्क संकलन गरेको छ । कम्पनीको बजार हिस्सा ६२ दशमलव ५२ प्रतिशत रहेको छ । त्यस्तै गार्डियन माइक्रो लाइफ इन्स्योरेन्सले ६६ लाख ३५ हजार बीमा शुल्क संकलन गरेको छ । कम्पनीको बजार हिस्सा २६ दशमलव २८ प्रतिशत रहेको छ ।
तेश्रोमा लिबर्टी माइक्रो लाइफ इन्स्योरेन्स रहेको छ । कम्पनीले पुष मसान्तसम्म २८ लाख २६ हजार बीमा शुल्क संकलन गर्दा बजार हिस्सा ११ दशमलव १९ प्रतिशत रहेको छ ।
निर्जीवन लघुबीमा कम्पनी :
तीन निर्जीवन लघुबीमा कम्पनीमध्ये नेपाल माइक्रो इन्स्योरेन्सले सर्वाधिक २ करोड ३७ लाख बीमा शुल्क संकलन गरेको छ । कम्पनीको बजार हिस्सा ५२ दशमलव ७१ प्रतिशत रहेको छ । त्यस्तै प्रोटेक्टिभ इन्स्योरेन्सले १ करोड ६५ लाख बीमा शुल्क संकलन गरेको छ । कम्पनीको बजार हिस्सा ३६ दशमलव ६६ प्रतिशत रहेको छ ।
तेश्रोमा स्टार माइक्रो इन्स्योरेन्स रहेको छ । कम्पनीले पुष मसान्तसम्म ४७ लाख ८८ हजार बीमा शुल्क संकलन गर्दा बजार हिस्सा १० दशमलव ६२ प्रतिशत रहेको छ ।
ट्रष्ट माइक्रो इन्स्योरेन्स कम्पनीले भने अझै व्यवसायिक कारोबार गरेको छैन ।
