काठमाडौं । निर्जीवन बीमा कम्पनीहरुले चालु आर्थिक वर्षको ५ महिना मंसिरसम्म करिब पौने १६ अर्ब रुपैयाँ कुल बीमाशुल्क आर्जन गरेका छन्। यो ५ महिनामा ११ वटा निर्जीवन बीमा कम्पनी र २ वटा लघु बीमा कम्पनीले कुल १५ अर्ब ७४ करोड ८९ लाख रुपैयाँ कुल बीमाशुल्क आर्जन गरेका हुन्।
यी कम्पनीहरुले गत कात्तिकसम्मको तुलनामा ५ अर्ब २९ करोड ४२ लाख रुपैयाँ बढी बीमाशुल्क आर्जन गरेका छन्। अघिल्लो महिना कात्तिकसम्म यी कम्पनीहरुले १० अर्ब ४५ करोड ४७ लाख रुपैयाँ कुल बीमाशुल्क आर्जन गरेका थिए। यो हिसाबले अघिल्लो महिनाको तुलनामा कम्पनीहरुको बीमाशुल्क आर्जन ५०.६४ प्रतिशतले बढेको छ।
प्रदेशगत हिसाबले निर्जीवन बीमा कम्पनीहरुको व्यवसाय बागमती पनि विस्तार भएको देखिएको छ। मंसिरसम्म कम्पनीहरुले बागमती प्रदेशबाट मात्रै १० अर्ब २६ करोड ७९ लाख रुपैयाँ कुल बीमाशुल्क आर्जन गरेका छन्।
यसैगरी लुम्बिनी प्रदेशबाट कम्पनीहरुले १ अर्ब ५० करोड ४१ लाख रुपैयाँ बीमाशुल्क आर्जन गरेका छन्। कोशी प्रदेशबाट १ अर्ब ४० करोड ८० लाख रुपैयाँ प्रिमियम कलेक्सन गरेका कम्पनीहरुले मधेश प्रदेशबाट १ अर्ब ८ करोड ४७ लाख रुपैयाँ, गण्डकीबाट ९१ करोड ४९ लाख रुपैयाँ, सुदूरपश्चिमबाट ४१ ८४ लाख करोड रुपैयाँ र कर्णालीबाट १५ करोड ६ लाख रुपैयाँ बीमाशुल्क आर्जन गरेका छन्।
