काठमाडौं । नेको इन्स्योरेन्स कम्पनीले आर्थिक वर्ष २०८० /८१ को पहिलो त्रैमासको वित्तीय विवरण प्रकाशन गरेको छ । कम्पनीले प्रकाशन गरेको वित्तीय विवरण अनुसार कम्पनीको अधिकांश सूचकमा प्रगति देखिएको छ ।
२ अर्ब १ करोड रुपैयाँ शेयर पूँजी भएको कम्पनीको महा विपत्ती कोषमा १० करोड ५७ लाख रुपैयाँ रहेको छ । समिक्षा अवधिमा कम्पनीको संचिती जगेडा कोषमा ३३ करोड १६ लाख रुपैयाँ रहेको छ । अन्य इक्विटीमा १ अर्ब ८१ करोड रहेको छ । कम्पनीको बीमा कोषमा ३ अर्ब ५७ करोड रुपैयाँ रहेको छ ।
समिक्षा अवधिमा कम्पनीले ७६ करोड ४७ लाख रुपैयाँ कूल बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले ७५ करोड ३८ लाख रुपैयाँ कूल बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनीको कुल बीमा शुल्क बढी हो ।
यस अवधिसम्ममा कम्पनीले ३३ करोड २७ लाख पुनर्बीमा मार्फत खर्चिएको छ । गत आर्थिक वर्षको सोही अवधिमा कम्पनीले ३३ करोड ४३ लाख रुपैयाँ खर्चिएको थियो । गत आर्थिक वर्षको तुलनामा कम्पनीको पुनर्बीमा मार्फत रकम घटेको हो ।
यस अवधिमा कम्पनीले ४३ करोड १९ लाख रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिमा ४१ करोड ९४ लाख रुपैयाँ खुद बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनकिो खुद बीमा शुल्क आर्जन सामान्य बढेको हो ।
यस अवधिमा कम्पनीले ८ करोड ८० लाख रुपैयाँ नाफा कमाएको छ । गत आर्थिक वर्षको सोही अवधिमा कम्पनीले ३ करोड ५२ लाख रुपैयाँ नाफा आर्जन गरेको थियो । गत वर्षको तुलनामा कम्पनीको नाफा १४९ प्रतिशतले बढेको हो ।
यस अवधिमा कम्पनीको प्रति शेयर आम्दानी १७ रुपैयाँ ५० पैसा रहेको छ । प्रति शेयर नेटवर्थ २११ रुपैयाँ ७१ पैसा रहेको छ ।
