काठमाडौं । यूनाइटेड अजोड इन्स्योरेन्स कम्पनीले चालु आर्थिक वर्ष २०८०/८१ को प्रथम त्रैमासको वित्तीय विवरण प्रकाशन गरेको छ । कम्पनीले प्रकानश गरेको वित्तीय विवरण अनुसार कम्पनीको अधिकांश सूचकमा उल्लेख्य बृद्धि भएको देखिएको छ । साविक अजोड र साविक यूनाइटेड मिलेर एक भई यूनाइटेड अजोड इन्स्योरेन्सको नामबाट एकिकृत कारोबार गरेका हुन् ।
१ अर्ब ९० करोड रुपैयाँ शेयर पूँजी भएको कम्पनीको कम्पनीको महाविपत्ती जगेडा कोषमा ३ करोड ४४ लाख रुपैयाँ रहेको छ । कम्पनीले शेयर प्रिमियम मार्फत १ करोड ४६ लाख रुपैयाँ उठाएको छ । अन्य इक्विटीमा १ अर्ब रुपैयाँ रहेको छ । कम्पनीको संचिती जगेडा कोषमा ३१ करोड ९३ लाख रुपैयाँ रहेको छ ।
समिक्षा अवधिमा कम्पनीको बीमा कोषमा २ अर्ब ४० करोड २० लाख रुपैयाँ रहेको छ । आर्थिक वर्ष २०७९ /८० को असारमसान्तसम्ममा कम्पनीको बीमा कोषमा २ अर्ब १९ करोड १८ लाख रुपैयाँ रहेको थियो ।
यस अवधिमा कम्पनीले ३ करोड ८६ लाख रुपैयाँ नाफा कमाएको छ । गत आर्थिक वर्षको सोही अवधिमा कम्पनीले १ करोड ३८ लाख रुपैयाँ नाफा कमाएको थियो । गत आर्थिक वर्षको सोही अवधिको तुलनामा कम्पनीको नाफा १८० प्रतिशतले बढेको हो ।
यस अवधिमा कम्पनीले ६३ करोड २९ लाख रुपैयाँ कुल बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले २६ करोड ५० लाख रुपैयाँ कुल बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनीको कुल बीमा शुलक आर्जन बढी हो ।
समिक्षा अवधिमा कम्पनीले पुनर्बीमा मार्फत ३९ करोड ७६ लाख रुपैयाँ खर्चिएको छ । गत आर्थिक वर्षको सोही अवधिमा कम्पनीले पुनर्बीमा मार्फत १५ करोड १२ लाख खर्चिएको थियो । यस अवधिमा कम्पनीले ५४ लाख ६४ हजार रुपैयाँ अभिकर्ता कमिशनमा खर्चिएको छ ।
कम्पनीले २३ करोड ५२ लाख रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले ११ करोड ३७ लाख रुपैयाँ खुद बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनकिो खुद बीमा शुल्क आर्जन १०६ प्रतिशतले बढेको छ ।
कम्पनकिो सोल्भेन्सी मार्जिन रेसियो ७।४७ रहेको छ । यस अवधिमा कम्पनीको प्रति शेयर आम्दानी ८ रुपैयाँ १३ पैसा रहेको छ । प्रति शेयर नेटवर्थ १७१ रुपैयाँ ९१ पैसा रहेको छ ।
