काठमाडौं । शिखर इन्स्योरेन्स कम्पनीले चालु आर्थिक वर्ष २०८०/८१ को प्रथम त्रैमासको वित्तीय विवरण प्रकाशन गरेको छ । कम्पनीले प्रकानश गरेको वित्तीय विवरण अनुसार कम्पनीको अधिकांश सूचकमा बृद्धि देखिएको छ । यस अवधिमा कम्पनीको नाफा र कुल बीमा शुल्क आर्जन सामान्य बढेको देखिएको छ ।
२ अर्ब ६५ करोड रुपैयाँ शेयर पूँजी भएको कम्पनीको कम्पनीको महाविपत्ती जगेडा कोषमा १४ करोड ८८ लाख रुपैयाँ रहेको छ । कम्पनीको स्पेशल जगेडा कोषमा १ अर्ब ५६ करोड ७८ लाख रुपैयाँ रहेको छ । अन्य इक्विटीमा ५८ करोड ७८ लाख रुपैयाँ रहेको छ ।
समिक्षा अवधिमा कम्पनीको बीमा कोषमा ४ अर्ब ९३ करोड ९० लाख रुपैयाँ रहेको छ । आर्थिक वर्ष २०७९ /८० को असारमसान्तसम्ममा कम्पनीको बीमा कोषमा ४ अर्ब ७३ करोड ६५ लाख रुपैयाँ रहेको थियो ।
यस अवधिमा कम्पनीले ११ करोड १४ लाख रुपैयाँ नाफा कमाएको छ । गत आर्थिक वर्षको सोही अवधिमा कम्पनीले ११ करोड ९ लाख रुपैयाँ नाफा कमाएको थियो । गत आर्थिक वर्षको सोही अवधिको तुलनामा कम्पनीको नाफा सामान्य बढेको हो ।
यस अवधिमा कम्पनीले ७९ करोड ४४ लाख रुपैयाँ कुल बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले ७५ करोड ३६ लाख रुपैयाँ कुल बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनीको कुल बीमा शुलक आर्जन बढी हो ।
समिक्षा अवधिमा कम्पनीले पुनर्बीमा मार्फत ५१ करोड ६५ लाख रुपैयाँ खर्चिएको छ । गत आर्थिक वर्षको सोही अवधिमा कम्पनीले पुनर्बीमा मार्फत ५२ करोड ३२ लाख खर्चिएको थियो । यस अवधिमा कम्पनीले २ करोड रुपैयाँ अभिकर्ता कमिशनमा खर्चिएको छ ।
कम्पनीले २७ करोड ७८ लाख रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले २३ करोड ३ लाख रुपैयाँ खुद बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनकिो खुद बीमा शुल्क आर्जन २० प्रतिशतले बढेको छ ।
कम्पनकिो सोल्भेन्सी रेसियो ३.४१ रहेको छ । यस अवधिमा कम्पनीको प्रति शेयर आम्दानी १६ रुपैयाँ ९४ पैसा रहेको छ । प्रति शेयर नेटवर्थ १९९ रुपैयाँ २४ पैसा रहेको छ ।
