काठमाडौं । भारतमा निर्जीवन बीमा व्यवसाय अन्तर्गतको बीमा शुल्क आर्जन २०३० सम्ममा ३.९१ खर्ब भारतीय रुपैयाँभन्दा बढी हुने प्रक्षेपण गरिएको छ । यद्यपि, २०४७ सम्ममा “सबैका लागि बीमा” को लक्ष्य हासिल गर्ने उद्देश्यले नियामकीय सुधारहरू, बजार सहभागी र मध्यस्थकर्ताहरूको सङ्ख्यामा हुने अनुमानित वृद्धिलाई ध्यानमा राख्दै बीमा शुल्कले त्यो वर्षसम्म ५ खर्ब भारतीय रुपैयाँ पनि पार गर्न सक्छ ।
२० वर्षको तथ्यांकलाई आधार मानेर गरिएको अध्ययनले सो देखाएको हो । बिरला इन्स्टिच्युट अफ म्यानेजमेन्ट टेक्नोलोजी (बिमटेक) का प्राज्ञिकहरूले २००१-२०२२ बीचको सामान्य बीमा व्यवसायका सबै महत्त्वपूर्ण सूचकको ऐतिहासिक बीमा शुल्कको तथ्यांकको आधारमा सो रिपोर्ट निकालेको हो । रिपोर्ट”India Insurance Report – Transforming Indian Insurance” मा प्रकाशित छ ।
