काठमाडौं । नेपाल बीमा प्राधिकरणले पहिलो पटक संस्थागत बीमित विशेषको लागी बेग्लै बीमालेख जारी गर्न सकिने प्रावधान ल्याएको छ । प्राधिकरणले सम्पत्ती बीमालेख निर्देशिका २०८० मार्फत् मिश्रित बीमालेखको प्रावधान लागू गरेको छ ।
निर्देशिकाको २४ नम्बर निर्देशनमा बीमकले प्रचलित बीमालेख अन्तर्गत नसमेटिएका बीमायोग्य जोखिमका लागि मिश्रित बीमालेख जारी गर्न सक्ने उल्लेख छ । प्रस्तावित फरक प्रकृतीको बीमालेख नेपाल बीमा प्राधिकरणमा स्वीकृतीका लागी पेश गर्नुपूर्व बीमायोग्य जोखिम स्वीकार गर्नका लागि बीमक र पुनर्बीमक दुबै मन्जुर हुनुपर्नेछ । निर्देशिकाका अनुसार स्वीकृतीका लागी पेश गरिने मिश्रित बीमालेख प्रचलनमा ल्याउनका लागी प्राधिकरणले अस्थायी वा पटके अनुमति दिनेछ ।
निर्देशिका अनुसार यस्तो बीमालेख सम्बन्धित बीमितका लागी मात्र लागू हुनेछ। बीमालेख स्वीकृति लिइएको बीमित बाहेक अन्य बीमितका लागी खुल्लारुपमा बिक्री गर्न पाइनेछैन । साथै यस्तो बीमालेख तयार पार्दा बीमकले सम्पत्ति बीमालेख निर्देशिकामा उल्लेखित बीमादर भन्दा बढी हुने गरी बीमाशुल्क दर निर्धारण गर्नुपर्नेछ।
