काठमाडौं । काठमाडाैं उपत्यकाभित्र घरजग्गा खरिद गर्न इच्छुक व्यक्ति तथा संस्थाले अबदेखि खरिद मूल्यकाे पचास प्रतिशतसम्म बैंकबाट कर्जा लिन सक्ने भएका छन् । नेपाल राष्ट्र बैंकले बिहीबार जारी गरेकाे एकीकृत निर्देशिका संशाेधनमा घरजग्गा खरिदवापत जारी गरिने कर्जा धिताे सुरक्षणकाे बढीमा पचास प्रतिशतसम्म कायम गर्न निर्देशन दिएकाे हाे ।
चाडपर्वकाे मुखैमा आएर राष्ट्र बैंकले घरजग्गा कर्जाकाे सीमामा संशाेधन गरेर काठमाडाैं उपत्यकाकाे हकमा केहि खुकुलाे नीति ल्याएकाले घरजग्गा काराेबारमा सकारात्मक प्रभाव पार्ने घरजग्गा व्यवसायीले प्रतिकृया दिएका छन् ।
यसअघि काठमाडाैं उपत्यकाभित्र घरजग्गा कर्जा प्रवाह गर्दा धिताे सुरक्षणकाे उचित बजार मूल्यकाे बढीमा चालीस प्रतिशतसम्म मात्र कर्जा प्रवाह गर्न पाइने प्रावधान थियाे । उपत्यका बाहिरका लागी राष्ट्र बैंकले साबिककाे पचास प्रतिशतकै सीमा यथावत राखेकाे छ। यसैगरी निजी आवासीय घर कर्जा र इजाजत प्राप्त आवासीय परियोजना सञचालक कम्पनीले आवासीय घर निर्माणको लागि धिताे सुरक्षणकाे उचित बजार मूल्यकाे बढीमा ६० प्रतिशतसम्म कर्जा लिनसक्ने साबिककाे प्रावधानलाई नै बैंकले निरन्तरता दिएकाे छ।
