काठमाडाैं । नेपाल बीमा प्राधिकरणले अभिकर्ता इजाजत पत्रका लागि लिखित परिक्षा अनिवार्य गरेपछि चालू आर्थिक वर्षकाे पहिलाे एक महिनामा १२ हजारभन्दा बढी अभिकर्ताले इजाजत पत्र पाएका छन् ।
नेपाल बीमा प्राधिकरणका अनुसार दुई लघु जीवन बीमकसहित इजाजत प्राप्त १८ बीमा कम्पनीले साउन महिनामा १२ हजार ४५६ जनालाई अभिकर्ता इजाजत पत्र दिलाएका हुन् । प्राधिकरणका अनुसार हालै सञ्चालनमा आएका गार्डीयन माइक्राे लाईफ इन्स्याेरेन्सले ४९ जना र क्रेष्ट माइक्राे लाइफ इन्स्याेरेन्सले २७ जना नयाँ अभिकर्ता उत्पादन गरेका छन् ।
पुराना जीवन बीमकमध्ये नेपाल लाइफले साउन महिनामा सर्वाधिक २ हजार ५११ जनालाई अभिकर्ता इजाजत पत्र दिलाएकाे छ । यसैगरी नेशनल लाइफले १ हजार ५९८, हिमालयन लाइफले १ हजार २२० र सूर्यज्योति लाइफले १ हजार ३३३ जनालाई अभिकर्ता इजाजत पत्र दिलाएका छन् । एशियन लाइफ इन्स्याेरेन्स मार्फत् ९८२ जनाले इजाजत पत्र लिएका छन् ।
यसअघि चार दिने अभिकर्ता तालिममा सहभागी भएलगत्तै सहभागीहरुले अभिकर्ता इजाजत पत्र प्राप्त गर्दै आएका थिए । नयाँ प्रावधान अनुसार आधारभूत तालिममा सहभागीता जनाई सकेपछी आकांक्षीले अनिवार्यरूपमा लिखित परिक्षामा सहभागीता जनाउनुपर्छ र उतीर्णाङ्क प्राप्त गर्ने परिक्षार्थी मात्र इजाजत पत्र प्राप्त गर्नका लागी याेग्य हुन्छन् ।
