बैंक तथा वित्तीय संस्थाहरुले सबैभन्दा बढी कर्जा थोक तथा खुद्रा व्यापारमा नै प्रवाह गर्दै आएका छन् । अर्थमन्त्रालयलको तथ्यांक अनुसार चालु आर्थिक बर्ष २०७५/७६ को फागुन महिनासम्ममा उक्त क्षेत्रमा वित्तीय संस्थाहरुले २२ दशमलव ७१ प्रतिशत लगानी गरेका छन् ।
वित्तीय संस्थाहरुले उत्पादन क्षेत्रमा पनि उत्तिकै लगानी गरेका छन् । सो क्षेत्रमा वित्तीय क्षेत्रको कुल कर्जाको १७ दशमलव ९६ प्रतिशत प्रवाह भएको छ । निर्माण क्षेत्रमा भने वित्तीय संस्थाहरुले ११ दशमलव ६९ प्रतिशत लगानी गरेका छन् । सेवा उद्योगमा ८ दशमलव ३६ प्रतिशत लगानी भएको छ । कृषि क्षेत्रमा ६ दशमलव ४९ प्रतिशत लगानी भएको छ भने खानी क्षेत्रमा शून्य दशमलव २६ प्रतिशत लगानी भएको छ ।
यातायात, सञ्चार र सार्वजनिक सेवा क्षेत्रमा ५ दशमलव ७० प्रतिशत, उपभोग्य क्षेत्रमा ३ दशमलव शून्य ६ प्रतिशत र अन्य क्षेत्रमा २६ दशमलव ७७ प्रतिशत कर्जा प्रवाह भएको छ ।
मन्त्रालयको तथ्यांक अनुसार चालु आवको फागुन महिनासम्ममा बंैक तथा वित्तीय संस्थाबाट नीजि क्षेत्रमा २७ खर्ब ४९ अर्ब ११ करोड रुपैयाँ कर्जा प्रवाह भएको छ । यो रकम गत आवको तुलनामा १४ दशमलव ६ प्रतिशतले बृद्धि हो । गत आवमा भने यस्तो कर्जा १४ दशमलव ४ प्रतिशतले बढेको थियो ।
