काठमाडौं । हाल आइएमई जनरल र प्रुडेन्सियल इन्स्योरेन्स एकीकृत कारोबारको अन्तिम तयारीमा छन् । मर्जर पछि बन्ने आइजिआई प्रुडेन्सियल इन्स्योरेन्स कम्पनीको एकीकृत कारोबार यही वैशाख २७ गतेदेखि हुने भएको छ । दुवै कम्पनी समान हैसियतमा मर्जरमा गएका हुन् ।
हाल प्रुडेन्सियल इन्स्योरेन्सको चुक्ता पुँजी १ अर्ब २२ करोड रहेको छ भने आइएमई जनरल इन्स्योरेन्सको चुक्ता पुँजी १ अर्ब ८० करोड रहेको छ । मर्जर पश्चात् नयाँ बन्ने कम्पनीको चुक्ता पुँजी ३ अर्ब २ करोड हुने छ । बीमा प्राधिकरणले निर्जीवन बीमा कम्पनीलाई २ अर्ब ५० करोड पुँजीको लक्ष्य दिएको छ ।
दुवै कम्पनीको आर्थिक वर्ष ७९/८० को तेश्रो त्रैमासको वित्तीय विवरणको आधारमा गरिएको तुलनात्मक अध्ययन :
जगेडा कोष :
प्रुडेन्सियल इन्स्योरेन्सको जगेडा कोषमा २६ करोड ५३ लाख रुपैयाँ रहेको छ भने आइएमई जनरल इन्स्योरेन्सको जगेडा कोषमा २४ करोड ७१ लाख रहेको छ । समान हैसियतमा मर्जरमा गएमा दुई कम्पनीको जगेडामा ५१ करोड २४ लाख रुपैयाँ हुने छ ।
बीमा कोष :
प्रुडेन्सियल इन्स्योरेन्सको बीमा कोषमा ७२ करोड ५४ लाख रुपैयाँ रहेको छ भने आइएमई जनरल इन्स्योरेन्सको बीमा कोषमा ६३ करोड २२ लाख रहेको छ । मर्जर पश्चात दुई कम्पनीको बीमा कोषमा १ अर्ब ३५ करोड रुपैयाँ हुने छ ।
कुल बीमा शुल्क :
प्रुडेन्सियल इन्स्योरेन्सले चालु आर्थिक वर्षको चैत्र मसान्तसम्म १ अर्ब ४ करोड कुल बीमा शुल्क आर्जन गरेको छ भने आइएमई जनरल इन्स्योरेन्सले १ अर्ब ४२ करोड कुल बीमा शुल्क आर्जन गरेको छ । दुई कम्पनीको बीमा शुल्क जोडेर हेर्दा २ अर्ब ४६ करोड हुनेछ ।
खुद नाफा :
प्रुडेन्सियल इन्स्योरेन्सले चालु आर्थिक वर्ष ७९/८० को तेश्रो त्रैमाससम्म १० करोड रुपैयाँ खुद नाफा आर्जन गरेको छ भने आइएमई जनरल इन्स्योरेन्सले १७ करोड ३२ लाख रुपैयाँ खुद मुनाफा आर्जन गरेको छ ।
वार्षिक प्रति शेयर आम्दानी :
प्रुडेन्सियल इन्स्योरेन्सको वार्षिक प्रति शेयर आम्दानी १० रुपैयाँ ९२ पैसा छ भने आइएमई जनरल इन्स्योरेन्सको वार्षिक प्रति शेयर आम्दानी १२ रुपैयाँ ८० पैसा छ । मर्जर पश्चात दुई कम्पनीको वार्षिक प्रति शेयर आम्दानी १२ रुपैयाँ ०४ पैसा हुन्छ ।
किताबी मूल्य :
प्रुडेन्सियल इन्स्योरेन्सको किताबी मूल्य १८३ रुपैयाँ २७ पैसा छ भने आइएमई जनरल इन्स्योरेन्सको किताबी मूल्य १४८ रुपैयाँ ७५ पैसा छ । मर्जर पश्चात दुई कम्पनीको किताबी मूल्य १६२ रुपैयाँ ७२ पैसा हुने छ ।
