काठमाडौं । प्रधानमन्त्री पुष्प कमल दहाल ‘प्रचण्ड’ को निर्देशन पछि नेपाल आयल निगमले पेट्रोलिमय पदार्थको भाउ घटाएको छ । निगमले पेट्रोलको भाउ प्रति लिटर तीन रुपैयाँले घटाएको छ । निगमका अनुसार पेट्रोलको भाउ १७८ रुपैयाँबाट १७५ रुपैयाँ कायम गरिएको छ ।
त्यस्तै डिजेलको भाउ १७५ रुपैयाँबाट १७२ रुपैयाँ, मट्टितेलको भाउ १७५ रुपैयाँबाट १७२ रुपैयाँ कायम गरिएको छ । आन्तरिक उडान तर्फको हवाइ इन्धन १९० रुपैयाँबाट १७० रुपैयाँमा झारिएको छ ।
अन्तर्राष्ट्रिय बजारमा प्रशोधित पेट्रोलिम पदार्थको मूल्यमा आएको उतारचढावले विगत लामो समयदेखि निगम संचित नोक्सानीमा संचालन हुँदै आएको छ । इण्डियन आयल कर्पोरेशन लिमेटेडबाट एक जनवरी २०२३ मा प्राप्त खरिद मूल्यसूची बमोजिम पेट्रोलमा प्रतिलिटर २.५४ रुपैयाँ, डिजलमा प्रतिलिटर २.९५ रुपैयाँ बढेर आए पनि भाउ घटाइएको निगमले जनाएको छ ।
अन्तर्राष्ट्रिय बजारमा सुनको भाउ घटिरहेको तर नेपालमा भने नघटेको भन्दै चौतर्फी विरोध भए पछि प्रधानमन्त्री दाहालले निगम तथा उद्योग मन्त्रालयका पदाधिकारीहरुलाई बोलाएर तत्काल सुनको भाउ घटाउन निर्देशन दिएका थिए ।
