छिमेक लघुवित्त वित्तीय संस्थाको ४० प्रतिशत लाभांश सुरक्षित गर्ने आज आइतबार अन्तिम रहेको छ । साधारण सभा प्रयोजनका लागि छिमेकले वैशाख १६ सोमबारदेखि ३० गतेसम्म बुक क्लोज गर्नेछ। आइतबारसम्म कायम रहने सेयरधनीले मात्र लाभांश पाउनेछन् । साधारणसभा वैशाख ३० गते होटल सामना प्रालि, मकवानपुर हेटौंडामा बिहान १०ः३० बजे सुरु हुनेछ ।
कम्पनीले ४०५ लाभांश वितरण गर्ने मुख्य एजेन्डासहित साधारण सभा बोलाएको हो । छिमेकले १८ प्रतिशत बोनस सेयर र २२ प्रतिशत नगद लांभाश दिन लागेको हो । कुल २२ करोड रुपैयाँ नगद लांभाशका रुपमा वितरण गरिनेछ । यस्तै, बोनस सेयरका लागि १८ करोड रुपैयाँ खर्च गर्नेछ ।
यसअघि राष्ट्र बैंकले छिमेकलाई लाभांश वितरण गर्न रोक लगाएको थियो । तर केन्द्रीय बैंकले निरीक्षण गरी औंल्याएका कैफियतहरु सुधार गरी पुनः विवरण पेश गरेपछि भने छिमेकले लाभांश वितरणका लागि स्वीकृति पाएको हो ।
