काठमाडौं। अमेरिकी केन्द्रीय बैंक फेडेरल रिजर्भका पूर्व अध्यक्ष बेन बरनान्केसहित तीन जनाले यस बर्षको अर्थशास्त्रतर्फको नोबल पुरस्कार पाउने भएका छन् ।
बरनान्केसँगै डौग्लास डायमन्ड र फिलिप डाइबविगलाई अर्थशास्त्र तर्फको नोबल पुरस्कार दिन लागिएको हो । डायमन्ड युनिभर्सिटी अफ सिकागोका अर्थशास्त्री हुन् भने डाइबविग वासिङटन युनिभर्सिटीमा सक्रिय छन् ।
बैंक तथा वित्तीय संस्था र आर्थिक मन्दीमा उनीहरुले गरेको कामलाई मूल्यांकन गर्दै सोमबार अर्थशास्त्र तर्फको नोबल पुरस्कारले सम्मान गरिएको छ । सन् १९८० को सुरुआतमा यी तीनजनाको समूहले गरेको कामलाई रोयल स्वीडिस एकेडेमी अफ साइन्सेसले पहिचान गर्दै स्वीकार गरेको थियो ।
बरनान्केले सन् २००८ को आर्थिक मन्दीमा अमेरिकाको केन्द्रिय बैंकको नेतृत्व गरेका थिए । उनलाई ‘ग्रेट डिप्रेसन’ नामक रिसर्चमा पुरस्कृत गरिएको छ ।
