काठमाडौं । सफल मर्जर पछि हिमालयन एभरेष्ट इन्स्योरेन्स कम्पनीमा केहि सिनर्जी देखिएको छ । साउन एक गतेदेखि एकिकृत कारोबार गरेका हिमालयन र एभरेष्टले साउन महिनामा मात्रै ३३ करोड १९ लाख रुपैयाँ बीमा शुल्क आर्जन गरेको छ ।
कम्पनीले राष्ट्रिय बीमा कम्पनी र शिखर बाहेक सबैलाई उछिनेको छ । राष्ट्रिय बीमा कम्पनीको अहिलेको व्यवसाय सरकारबाट संरक्षित भएको हुँदा यो नेचुरल होइन । सरकारका कतिपय आयोजना तथा स्किमको नविकरणका कारण साउनमा कम्पनीको व्यवसाय बढेको देखिएको हो । यसले आगामी भदौ महिनादेखि निरन्तरता पाउदैन । त्यसैले भदौ महिनादेखि कम्पनीको र्याङ्किङ विस्तारै घट्दै जानेछ । त्यसैले कम्पनीले शिखर बाहेक सबैलाई उछिन्न सफल भएको देखिन्छ ।
गत असार महिनामा हिमालयन ८ नम्बरमा थियो तर एभरेष्ट १७ औ नम्बरमा थियो । त्यस्तै गत वर्षको साउन महिनामै हेर्ने हो भने हिमालयन ५ औ नम्बरमा थियो भने एभरेष्ट १६ औ नम्बरमा थियो । गत आर्थिक वर्षको पहिलो महिनामा हिमालयनको बीमा शुल्क आर्जन ३२ करोड र एभरेष्टको ११ करोड रुपैयाँ थियो । तत्कालिन समयको बीमा शुल्कलाई जोडेर हेर्दा ३३ करोड देखिन्छ ।
अहिले साउनमा मर्जर पछिको बीमा शुल्क आर्जन पनि ३३ करोड नै छ । त्यसैले अहिलेसम्म दुइ कम्पनीको व्यवसाय प्लस मात्रै भएको छ तर सिनर्जी इफेक्ट भने देखिन सकेको छैन । एकिकृत कारोबार भएको भर्खर एक महिना मात्रै भएकाले तत्काल यस्तो भयो भनेर निष्कर्ष निकालिहाल्नु पनि हुँदैन । हिमालयनले सबैभन्दा तल्लो तहको कम्पनीलाई मर्ज गरेर दुई तीन तह बढाउन मात्रै सफल भएको छ ।
