काठमाडौं । ओरिएण्टल इन्स्योरेन्स कम्पनीको मुनाफा तीन करोड रुपैयाँले खुम्चिएको छ । कम्पनीले गत आर्थिक वर्षमा ३० करोड रुपैयाँ मुनाफा आर्जन गरेको छ । जवकी अघिल्लो आर्थिक वर्षमा ३३ करोड रुपैयाँ थियो ।
खुद बीमा शुल्क आर्जन भने २० प्रतिशतले बढेको छ । कम्पनीले गत आर्थिक वर्षमा ९४ करोड ९१ लाख रुपैयाँ खुद बीमा शुल्क आर्जन गरेको छ भने अघिल्लो आर्थिक वर्षमा ७८ करोड ३९ लाख रुपैयाँ थियो । समिक्षा अवधिमा कम्पनीले पुनर्बीमा कमिशन आय ११ करोड ३९ लाख रुपैयाँ गरेको छ ।
कम्पनीको खुद दाबी भुक्तानीमा पनि उल्लेख्य सुधार आएको छ । गत वर्षमा कम्पनीले ५९ करोड ६९ लाख रुपैयाँ दाबी भुक्तानी गरेको छ । अघिल्लो आर्थिक वर्षमा यस्तो भुक्तानी ४७ करोड ९ लाख रुपैयाँ थियो । कम्पनीले अझै ७४ करोड १९ लाख रुपैयाँ बाँकी छ ।
चालु आर्थिक वर्षको मुनाफाबाट कम्पनीले कर्मचारीको लागि ४ करोड २१ लाख रुपैयाँ बोनस व्यवस्था गरेको छ । चुक्ता पूँजी नभएको कम्पनीको जगेडा कोषमा ३१ करोड एक लाख रुपैयाँ जम्मा छ ।
