सानिमा बैंकको २७ लाख कित्ता संस्थापक सेयर लिलामीमा

सानिमा बैैंकले संस्थापक समूहले २७ लाख १८ हजार ८३५ कित्ता सेयर बिक्री गर्ने भएको छ ।
उक्त सेयर खरिद गर्न चाहने लगानीकर्ताले चैत २५ गतेभित्र सानिमा क्यापिटल शिलबन्दी बोलपत्र पेश गर्नुपर्नेछ । सेयरको न्यूनतम मूल्य प्रतिकित्ता १८० रुपैयाँ तोकिएको छ ।

लगानीकर्ताले न्यूनतम २ लाखदेखि अधिकतम सबै कित्ताका लागि आवेदन दिन सक्नेछन् । लिलामीको बोलपत्र चैत २६ गते अपराह्न ४ बजे खोलिने कम्पनीले जनाएका छ ।