जनउत्थान सामुदायिक लघुवित्त वित्तीय संस्थाले २० प्रतिशत बोनस सेयर दिने भएको छ । लघुवित्तको सोमबार बसेको सञ्चालक समिति बैठकले हाल कायम चुक्ता पुँजी २ करोड ८८ लाख रुपैयाँको २० प्रतिशत बोनस सेयर दिने निर्णय गरेको हो । यस्तै, कर तिर्न ३ लाख ३ हजार १५७ रुपैयाँ नगद लाभांश दिने प्रस्ताव आगामी वार्षिक साधारण सभामा पेश गर्ने निर्णय गरेको छ ।
कम्पनीले यस अघिको वार्षिक साधारण सभाबाट १०० प्रतिशत हकप्रद ल्याउने प्रस्ताव पारित गरेको थियो । उक्त हकप्रदपछि भने बोनसदर १० प्रतिशत हुने कम्पनीले जनाएको छ । हकप्रद र बोनसपछि यसको चुक्ता पुँजी ६ करोड ३३ लाख ६० हजार रुपैयाँ पुग्नेछ ।
