एभरेष्ट बैंकले भारतीय गोरखा सैनिकमा आवद्घ स्थायी नेपालीलाई सुविधा प्रदान गर्न भारतको पंजाव नेशनल बैंक सँग सम्झौता गरेको छ ।
पंजाव नेसनल बैंकको कार्यालय नयाँ दिल्लीमा आयोजित कार्यक्रमका अवसरमा बैंकका प्रमुख कार्यकारी अधिकृत सोमेश्वर सेठ र पंजाव नेसनल बैंकका महाप्रबन्धक समिर बाजपाईले सम्झौतामा हस्ताक्षर गरेका छन् ।
नेपाल र भारतमा बैंकिङ सेवाका लागि भारतीय गोरखा शैनिकहरुले एभरेष्ट बैंक र पंजाव नेशनल बैंकको जुनसुकै शाखाबाट जुडुवा खाता खोल्न खक्नेछन् । रक्षक प्लस खाताबाट निशुल्क रेमिटेन्स सुविधा, एभरेष्ट बैंक र पंजाव नेशनल बैंकको सह–ब्राण्डेड डेबिट खाता जस्ता सुविधाहरु प्राप्त गर्न सक्ने जनाईएको छ ।
भारतीय गोरखा शैनिकका स्थायी नेपालीलाई रक्षक प्लस खाताबाट कर्जाको सुविधा समेत रहेको छ । एभरेष्ट बैंकले हाल आफ्ना ८६ वटा शाखाहरु, ३ एक्सटेन्सन काउन्टर, २८ राजस्व संकलन काउन्टर र ११६ एटिएम मार्फत उत्कृष्ट सेवाहरु प्रदान गर्दै आइरहेको छ ।
