काठमाडौं । प्रोटेक्टिभ माइक्रो इन्स्योरेन्स लिमिटेडले विभिन्न ठाउँका लागि कर्मचारी माग गरेको छ। कम्पनीले पोखरास्थित कार्यालयको बजार शाखामा १ जना अधिकृत स्तर, १ जना सहायक स्तर र डडेलधुरा स्थित कार्यालयका लागि १ जना सहायक स्तरका लागि गरी कुल ३ जना कर्मचारी माग गरेको हो। ईच्छुक तथा योग्यता पुगेका व्यक्तिले आवश्यक कागजात संलग्न गरी सूचना प्रकाशित भएको मितिले १५ दिनभित्र अर्थात माघ ४ गतेभित्र आवेदन दिनु पर्नेछ।
अधिकृत स्तरमा स्नातक वा सोभन्दा माथिको शैक्षिक योग्यता तथा सहायक स्तरका लागि कक्षा १२ उत्तीर्ण भएको हुनुपर्ने जनाएको छ । अधिकृतका लागि निर्जीवन बीमा क्षेत्रमा कम्तीमा दुई वर्ष काम गरेको हुनुपर्नेछ भने सहायकका लागि निर्जीवन बीमा क्षेत्रमा काम गरेकाले प्राथमिकता पाउनेछन्।
