काठमाडौं । बीबीसीले वर्ष २०२४ का लागि विश्वभरका १०० प्रेरणादायी र प्रतिभाशाली महिलाको सूची सार्वजनिक गरेको छ।
यसमा नोबेल शान्ति पुरस्कार विजेता विद्वान नादिया मुराद, बलात्कार पीडित र अभियानकर्ता गिसेल पेलिकाउट, अभिनेत्री शेरोन स्टोन, ओलम्पियन एथलीट रेबेका एन्ड्रेड र एलिसन फेलिक्स, गायक राई, दृश्य कलाकार ट्रेसी एमिन, जलवायु अभियानकर्ता अडेनिके ओलादुसु र लेखक क्रिस्टिना रिवेरा गार्जा समावेश छन्। गाजा, लेबनान, युक्रेन र सुडानमा घातक द्वन्द्व र मानवीय संकटको सामना गर्नुदेखि, विश्वभरि रेकर्ड संख्यामा चुनावहरुपछि समाजमा ध्रुवीकरण देख्न, महिलाहरुले अझ कडा संघर्ष गर्नुपरेको छ र लचिलोपनको नयाँ स्तरहरु खोज्नुपरेको छ।
यस वर्ष बीबीसी १०० महिलाले महिलाहरुले पार्न सक्ने प्रभावलाई मान्यता दिन्छ र उनीहरुको दृढताका माध्यमबाट भिन्नता ल्याउने र वरपरको संसारलाई परिवर्तन गर्नेहरुलाई उत्सव मनाउँछ। यो सूची आपतकालीन जलवायु संकटका प्रभावहरु अन्वेषण गर्न र उनीहरुको समुदायलाई यी प्रभावहरुको सामना गर्न मद्दत गर्न काम गरिरहेका जलवायु अभियानकर्ताहरुलाई स्पटलाइट गर्न प्रतिबद्ध छ।
यो सूचीमा नेपालाबाट एकजना महिला परेकी छन्। उनी हुन्, शिशिला आचार्य।
शिशिला आचार्यले नेपालमा सबैभन्दा ठूलो प्लास्टिक रिसाइक्लिङ नेटवर्क सञ्चालन गर्छिन्। उनको फोहोर व्यवस्थापन व्यवसाय, अवनी भेन्चर्सले विपन्न व्यक्तिहरुलाई रोजगारी प्रदान गर्दछ र हरित क्षेत्रमा महिला सहभागिता बढाउनमा केन्द्रित छ।
सन् २०१४ मा सञ्चालित ‘धन्यवाद, म मेरो झोला बोक्छु’ अभियानमा शिशिला आचार्यले महत्वपूर्ण भूमिका निर्वाह गरेकी थिइन्। त्यसपछि प्लास्टिकको झोलामा प्रतिबन्ध लगाइयो।
जलवायु तथा फोहोरमैला व्यवस्थापनसम्बन्धी सचेतना अभियान चलाउने शिशिलाले हिमालमा पर्वतारोहीले छोडेको फोहोर सफा गर्ने वार्षिक अभियानमा पनि योगदान दिएकी छिन्। सन् २०१९ देखि हालसम्म उनले हिमालबाट ११९ टन फोहोर निकालिसकेका छन्।
आफ्नो कामबाट शिशिलाले जम्मा भएको फोहोरलाई रिसाइकल गर्छिन्। हस्तशिल्पमा विज्ञ महिलाहरुले यस फोहोरबाट टोकरी, चटाई र कृत्रिम गहनाहरु तयार पार्छन्। जसले उनीहरुको जीविकोपार्जनमा पनि मद्दत गर्दछ।
