काठमाडौं । आधुनिकतासँगै उपहारको प्रकृति पनि परिवर्तन भएको छ उपहारमा खानेकुरा लगाउने कुरा सजाउने चिजहरु उपहारको रुपमा प्रयोग गर्दै आएको पाइन्थ्यो तर आजकल जनचेतना अभिवृद्धिसँगै क्षणिक र आकर्षणका वस्तु भन्दा दीर्घकालिन महत्वका उपहारहरु प्रयोगमा आउन थालेको पाइन्छ।
भोलिको भविष्य सुनिश्चित गर्नु आजको आवश्यकता मान्न थालिएको पाइन्छ। विवाह, ब्रतबन्ध,पास्नि,जन्मदिन, आमाबुबाको मुख हेर्ने दिनहरुमा बीमा पोलेसी उपहार दिने प्रचलन बढ्दै गएको छ।
यसैबीच कन्काई नगरपालिका १ निबासी बुवा धरमराज घिमिरेले आफ्नो छोरीको जन्मदिनमा बीमा पोलिसी उपहार स्वरुप दिएका छन् । छोरी दिपशिखा घिमिरे( खुशी) को जन्मदिनमा सिटिजन लाइफबाट १० लाख रुपैयाँ बीमाङकको बाल भविष्य बीमा पोलिसी उपहार स्वरुप दिएका हुन् ।
बचत र सुरक्षा आजको आवश्यकता ठानेर जन्मदिनको अवसर पारेर आफ्नो छोरीलाई जीवन बीमा योजना उपहार दिएका हुन् । खर्चमा नियन्त्रण तथा अनिवार्य बचत र सुरक्षालाइ मध्ये नजर गरि पोलिसी उपहार प्रदान गरेको बताए ।
