काठमाडौं । आज शेयर बजार सामान्य अंकले घटेर बन्द भएको छ । आज शेयर बजार नेप्से परिसूचक ८ दशलमव ३० अंकले घटेर २,७४८ को विन्दुमा कायम भएको छ । आज ५० कम्पनीको मूल्य बढेको छ भने १९४ कम्पनीको मूल्य घटेको छ ।
आज दिनभरिमा ३०७ कम्पनीको १ करोड ६६ लाख कित्ता शेयर किनबेच हुँदा ८ अर्ब ५४ करोड माथिको शेयर कारोबार भएको छ । आज सबैभन्दा धेरै एक्सेल डेभलपमेन्ट बैंकको शेयर कारोबार भएको छ । आज यस कम्पनकिो ३१ करोड ८ लाख रुपैयाँको शेयर कारोबार भएको छ । नेपाल फाइनान्सको २९ करोड ७४ लाख रुपैयाँको शेयर कारोबार भएको छ । मितेरी डेभलपमेन्ट बैंकको २७ करोड ९४ लाख रुपैयाँको शेयर कारोबार भएको छ ।
आज सबैभन्दा धेरै विशाल बजार र विन नेपाल लघुवित्त वित्तीय संस्थाका लगानीकर्ताले कमाएका छन् । आज यी दुई कम्पनीका लगानीकर्ताले १० प्रतिशतका दरले कमाएका छन् । सपोर्ट माइक्रोफाइनान्सका लगानीकर्ताले ९ दशलमव ९८ प्रतिशतका दरले कमाएका छन् । पाँचथर पावरका लगानीकर्ताले ८ दशलमव ३३ प्रतिशतका दरले कमाएका छन् ।
आज सबैभन्दा धेरै मानुषि लघुवित्त वित्तीय संस्थाका लगानीकर्ताले गुमाएका छन् । आज यस कम्पनीका लगानीकर्ताले १० प्रतिशतका दरले गुमाएका हुन् ।
