काठमाडौं । नेपाल राष्ट्र बैंकले बैंकहरुमा साढे ६८ करोड रुपैयाँ लगानी गर्ने भएको छ।
केन्द्रीय बैंकले आज एक सूचना प्रकाशित गरी बैंकहरुमा उपदान तथा पेन्सन कोषमा रहेको ६८ करोड ५० करोड रुपैयाँ मुद्दति निक्षेपका रुपमा लगानी गर्ने जानकारी गराएको हो।
राष्ट्र बैंकले क वर्गका वाणिज्य बैंकमा ५४ करोड ८० लाख रुपैयाँ, ख वर्गका राष्ट्रियस्तरका विकास बैंकमा १० करोड २७ लाख ५० हजार रुपैयाँ र ग वर्गका राष्ट्रियस्तरका वित्त कम्पनीमा ३ करोड ४२ लाख ५० हजार रुपैयाँ मुद्दति निक्षेपमा जानकारी गराएको छ।
मुद्दति निक्षेपका रुपमा लिन चाहने बैंकहरुले मंसिर १० गते साँझ ७ बजेसम्म ब्याजदर प्रस्ताव गर्न राष्ट्र बैंकले आह्वान गरेको छ। यस्तो मुद्दति निक्षेप २०८१ मंसिर १६ गतेदेखि २०८२ मंसिर १५ गतेसम्म ३६६ दिनका लागि हुने राष्ट्र बैंकले जनाएको छ।
