काठमाडौं । स्टार माइक्रो इन्स्योरेन्सले चालु आर्थिक वर्षको प्रथम त्रैमास (साउन–असोज)को अपरिष्कृत वित्तीय विवरण सार्वजनिक गरेको छ। वित्तीय विवरणअनुसार समीक्षा अवधिमा कम्पनीले १४ लाख ४५ हजार रुपैयाँ नाफा आर्जन गरेको छ।
प्रथम त्रैमासमा कम्पनीले १ करोड ८२ लाख रुपैयाँ कुल बीमाशुल्क आर्जन गरेको छ। समीक्षा अवधिमा कम्पनीले ५७ लाख २५ हजार रुपैयाँ खुद बीमाशुल्क आर्जन गरेको छ। कम्पनी कमिसनबापत ७२ लाख ९५ हजार रुपैयाँ आम्दानी गरेको छ।
चुक्तापुँजी ५२ करोड ५० लाख रुपैयाँ रहेको कम्पनीको स्पेसल रिजर्भमा ३८ लाख ४४ हजार रुपैयाँ, महाविपत्ति कोषमा ३ लाख ८४ हजार रुपैयाँ, रिटेन्ड अर्निङमा ३३ लाख ८२ हजार रुपैयाँ र अन्य इक्विटीमा १ लाख ४९ हजार रुपैयाँ रहेको छ।
कम्पनीको बीमा कोषमा ८ करोड ३६ लाख रुपैयाँ रहेको छ। अघिल्लो वर्ष बीमा कोषमा ५ करोड ७७ लाख रुपैयाँ थियो।
