काठमाडौं । लिबर्टी माइक्रो लाइफले आर्थिक वर्ष २०८१/ ८२ को पहिलो त्रैमासको वित्तीय विवरण प्रकाशन गरेको छ । यस माइक्रो लाइफ कम्पनीले १० लाख ५८ हजार रुपैयाँ नाफा आर्जन गर्न सफल भएको छ । गत आर्थिक वर्षको असार मसान्तसम्ममा कम्पनीले ५६ लाख ३ हजार रुपैयाँ नाफा कमाएको थियो ।
यस अवधिमा कम्पनीले २ करोड १४ लाख रुपैयाँ कुल बीमा शुल्क आर्जन गरेको छ । कम्पनीको जीवन बीमा कोष २ करोड ३९ लाख रहेको छ । यस अवधिमा कम्पनीले पुनर्बीमा मार्फत १८ लाख ६८ हजार रुपैयाँ खर्चिएको छ ।
कम्पनीले समीक्षा अवधिमा १ करोड ९५ लाख रुपैयाँ खुद बीमाशुल्क संकलन गरेको छ । कम्पनीले यस अवधिमा अभिकर्ता कमिशनमा ३० लाख ५० हजार रुपैयाँ खर्चिएको छ ।
५२ करोड ५० लाख रुपैयाँ चुक्ता पूँजी भएको कम्पनीको महाविपत्ती जगेडामा १२ लाख १० हजार रहेको छ । यस अवधिमा कम्पनीको अन्य इक्विटीमा १ लाख २१ हजार रहेको छ ।
