काठमाडौं । सीईडीबी हाईड्रोपावर डेभलपमेन्ट कम्पनी लिमिटेडले भोलि कात्तिक २० गते विशेष साधारणसभा गर्ने भएको छ । कम्पनीको कात्तिक ४ गते बसेको सञ्चालक समितिको बैठकले सो सभाको मिति तय गरेको हो । सभा कालिमाटीस्थित कालिमाटी ब्याङ्क्वेटमा बिहानको ८ बजे गर्ने कम्पनीको भनाइ छ ।
सभाले कम्पनीको प्रबन्धपत्र तथा नियमावली संशोधन गर्ने र नियामक निकायको निर्देशन अनुसार प्रबन्धपत्र तथा नियमावलीमा आवश्यक संशोधन तथा थपघट गर्न आवश्यक भएमा सञ्चालक समितिलाई अख्तियारी दिने विशेष प्रस्ताव पारित गर्नेछ । साथै कम्पनीको ५ जना संचालकहरूको नियुक्ति गर्ने विशेष प्रस्ताव पारित गर्नेछ ।
विशेष सभा प्रयोजनार्थ कम्पनीले कात्तिक १२ गते बुक क्लोज गरेको थियो । त्यसैले कात्तिक ११ गतेसम्म कायम शेयरधनीहरू सभामा भाग लिन सक्नेछन् ।
