काठमाडौं । चालु आर्थि वर्ष २०८१।८२ को हालसम्म विभिन्न कम्पनीको ३ करोड ६६ लाख बढी कित्ता शेयर नेपाल स्टक एक्सचेन्ज (नेप्से)मा थपिएको छ।
नेपाल धितोपत्र बोर्डको स्वीकृतिमा नेप्सेमा विभिन्न १३ कम्पनीका ३ करोड ६६ लाख ८४ हजार ९९५.७०३ कित्ता बोनस शेयर सूचीकृत भएको हो। अंकित मूल्यमा सूचीकृत भएका ती शेयरको भाउ ३ अर्ब ६६ करोड ८४ लाख ९९ हजार ५६९.७२ रुपैयाँ रहेको छ।
धितोपत्र बोर्डबाट गत साउन १४ गतेदेखि कात्तिक २ गतेसम्म ती कम्पनीका बोनस शेयर सूचीकरणका लागि स्वीकृत भएको देखिन्छ।
ती कम्पनीमध्ये ३ वटा जीवन बीमा, एउटा निर्जीवन बीमा, एउटा हाइड्रोपावर, एउटा उत्पादन तथा प्रशोधसन समूह, एउटा पुनर्बीमा कम्पनी, २ वटा लगानी, २ वटा विकास बैंक र २ वटा लघुवित्त समूहका कम्पनी छन्।
