काठमाडौं । साताको अन्तिम कारोबार दिन बिहीबार पनि शेयर बजार दोहोरो अंकले घटेको छ। नेप्से परिसूचक १८.२५ अंकले घटेर २६२७.१४ को विन्दुमा बन्द भएको हो।
घटेको बजारमा आज ६७ कम्पनीको शेयरभाउ बढेको छ भने १७० वटाको घटेको छ। यो दिन ७ कम्पनीको शेयरभाउ स्थिर रहेको छ।
नेप्से उपसमूहमा रहेका १३ वटा समूहमध्ये जलविद्युत समूहमात्रै बढेको छ। बाँकी १२ वटा समूह घटेको छ।
आज बजारमा ५ अर्ब ४१ करोड ९१ लाख रुपैयाँ बढीको कारोबार भएको छ। सर्वाधिक कारोबार एनएलजी इन्स्योरेन्सको भएको छ।
आज उच्च कारोबार भएका १० कम्पनी
- एनएलजी इन्स्योरेन्स ३४ करोड ३१ लाख रुपैयाँ
- साहस ऊर्जाः २४ करोड ९३ लाख रुपैयाँ
- आईसीएफसी फाइनान्सः २४ करोड ९२ लाख रुपैयाँ
- पिपुल्स हाइड्रोपावरः २४ करोड ५५ लाख रुपैयाँ
- समृद्धि फाइनान्सः १९ करोड ७ लाख रुपैयाँ
- लाइफ इन्स्योरेन्स कर्पोरेसनः १६ करोड ५१ लाख रुपैयाँ
- हिमालयन डिस्टिलरीः ११ करोड ५४ लाख रुपैयाँ
- कुमारी बैंकः ११ करोड २० लाख रुपैयाँ
- सुपर मादी हाइड्रोपावरः १० करोड ८८ लाख रुपैयाँ
- नेपाल एसबीआई बैंकः १० करोड ४९ लाख रुपैयाँ
