काठमाडौं । नेप्सेमा सूचिकृत भएका हाइड्रोपावर कम्पनीहरुमध्ये हालसम्म ९ कम्पनीले लाभांश घोषणा गरेका छन् । जसमध्ये अपि पावर कम्पनी, अरुण भ्याली हाइड्रोपावर, रुरु जलविद्युत कम्पनी, मन्दकीनि हाइड्रोपावर, सुपर मादी हाइड्रोपावर, साहस ऊर्जा, भगवति हाइड्रोपावर, माण्डु हाइड्रोपावर र सुपरमाइ हाइड्रोपावर हुन् ।
माण्डु हाइड्रोपावर कम्पनीले गत वर्षको मुनाफाबाट आफ्ना शेयरधनीहरुलाई कुल १२ प्रतिशत लाभांश दिने भएको छ । जसमा कम्पनीले १२ प्रतिशत नै नगद लाभांश मात्रै दिने निर्णय गरेको छ ।
भगवति हाइड्रोपावर कम्पनीले गत वर्षको नाफाबाट आफ्ना शेयरधनीलाई कुल १४ दशलमव ७३६८ प्रतिशत लाभांश दिने भएको छ । जसमध्ये कम्पनीले ४ प्रतिशत बोनश शेयर र कर प्रयोजनका लागि समेत गरी १० दशलमव ७३६८ प्रतिशत नगद लाभांश दिने भएको छ ।
साहस ऊर्जाले आफ्ना शेयरधनीलाई ८ प्रतिशत बोनश शेयर र कर प्रयोजनका लागि ० दशलमव ४२१ प्रतिशत नगद लाभांश वितरण गर्ने भएको छ ।
सुपर मादी हाइड्रोपावरले ५ प्रतिशत बोनश शेयर र कर प्रयोजनका लागि ० दशलमव २६ प्रतिशत नगद लाभांश दिने घोषणा गरेको छ । यी ४ कम्पनीले लाभांश प्रयोजनका लागि बुक क्लोज गरिसकेका छन् ।
यता, रुरु जलविद्युत कम्पनीले गत वर्षको नाफाबाट कुल १५ दशलमव ७८९ प्रतिशत लाभांश दिने भएको छ । जसमध्ये १५ प्रतिशत बोनश शेयर दिने भएको हो भने ० दशलमव ७८९ प्रतिशत नगद लाभांश दिने भएको छ । कम्पनकिो बुक क्लोज भइसकेको छ ।
अपि पावर कम्पनीले ५ प्रतिशत बोनश शेयर दिने भएको छ भने कर प्रयोजनका लागि ० दशलमव २६३२ प्रतिशत नगद लाभांश दिने भएको छ । लाभांश र वार्षिक साधारणसभा प्रयोजनार्थ कम्पनीले कात्तिक २ गते बुक क्लोज गर्ने निर्णय गरेको छ। यसको अर्थ कात्तिक १ गतेसम्म कायम शेयरधनीहरु मात्रै यो कम्पनीको लाभांश पाउन र सभामा भाग लिन योग्य हुनेछन्।
अरुण भ्याली हाइड्रोपावर कम्पनीले गत वर्षको नाफाबाट ३ प्रतिशत बोनश शेयर र कर प्रयोजनका लागि ० दशलमव १५७ प्रतिशत नगद लाभांश दिने भएको छ । साधारण सभा तथा लाभांश वितरण प्रयोजनका लागि कम्पनीले कात्तिक ५ गते बुकक्लोज गर्ने भएको छ। यस अनुसार कात्तिक ४ गतेसम्म नेप्सेमा कारोबार भइ कायम शेयरधनीहरुले कम्पनीको साधारण सभामा सहभागिता जनाउन तथा कम्पनीले वितरण गर्ने लाभांश प्राप्त गर्न सक्नेछन्।
त्यसैगरी मन्दकिनी हाइड्रोपावरले गत वर्षको नाफाबाट ५ प्रतिशत बोनश शेयर र कर प्रयोजनका लागि ० दशलमव २६३२ प्रतिशत नगद लाभांश दिने भएको छ । कम्पनीले बुक क्लोज मिति तय गरेको छैन् ।
सुपरमाइ हाइड्रोपावर कम्पनीले गत वर्षको नाफाबाट ७ प्रतिशत बोनश शेयर र ५ दशलमव ६३ प्रतिशत नगद लाभांश दिने भएको छ । कम्पनीले पनि साधारण सभा तथा लाभांश प्रयोजनका लागि बुक क्लोज मिति तय गरेको छैन् ।
अब मन्दकिनी हाइड्रोपावर, सुपरमाइ हाइड्रोपावर, अपि र अरुण भ्याली हाइड्रोपावर कम्पनकिो शेयर किन्दा लाभा.श पाइन्छ ।
