काठमाडौं । जीवन बीमक एशियन लाइफ इन्स्योरेन्सले मधेश प्रदेशको लहानमा जीवन बीमा अभिकर्ता सम्मान कार्यक्रम गरेको छ। शनिबार आयोजित कार्यक्रममा मधेश प्रदेश अन्तर्गतको धनुषा, महोत्तरी, सप्तरी र सिराहा जिल्लाका सकृय अभिकर्ताहरूलाई सम्मान् गरिएको हो।
कार्यक्रममा इन्स्योरेन्सको डेप्युटी मार्केटिङ हेड विजय पराजुलीले अभिकर्तालाई सम्मान पत्र वितरण गरेका छन् । सहभागि अभिकर्ताहरूको व्यवसायीक दक्षता अभिवृद्धिका लागि प्रशिक्षक लेखनाथ पाैडेलले चुनाैतीपूर्ण अवस्थामा बीमाको बजारीकरण सम्बन्धी प्रशिक्षण दिए ।
सम्मान कार्यक्रममा जनकपुर, बीरेन्द्रनगर, बर्दिबास, राजविराज, मिर्चैया, लहान, सिराहा र बागमती प्रदेशको शाखा प्रबन्धकहरूको समेत सहभागिता रहेको थियो । कार्यक्रमको सभापतित्व इन्स्योरेन्सको मधेश प्रदेश प्रमुख रामरूप सहनीले गरेका थिए ।
