काठमाडौं । पेट्रोलियम पदार्थको मूल्य घटेको छ । आज राति १२ बजेदेखि लागु हुने गरी पेट्रोल, डिजेल, हवाई इन्धन र मट्टीतेलको मूल्य घटाइएको नेपाल आयल निगमले जनाएको छ । निगमले पेट्रोलमा प्रतिलिटर एक रुपैयाँ, डिजेलमा २, हवाई इन्धन आन्तरिकमा ६ तथा बाह्यमा प्रतिहजार लिटरमा ४५, मट्टीतेलमा दुई रुपैयाँ मूल्य घटाइएको निगमले जनाएको छ।
एलपी ग्याँसको मूल्य भारतबाट बढेर आए पनि चाडपर्वलाई लक्षित गरी यथावत राखिएको निगमले जनाएको छ ।
