काठमाडौं । लूव्र होटल्स समूहको लक्जरी ब्रान्ड रोयल टुलिपले काठमाडौंको बुढानिलकण्ठमा पहिलो लक्जरी रिसोर्टको स्थापना गर्ने भएको छ। यो परियोजना क्लासिक भ्यू रिसोर्ट लिमिटेडले विकास गरेको हो र दक्षिण एशियामा सारोवर होटल्सले व्यवस्थापन गर्नेछ। यो परियोजनाको नेतृत्व मुकुन्दराज कुँवर, अध्यक्ष र आशिष ढकाल, निर्देशक तथा ग्लोबल इक्विटी फण्ड लिमिटेडका सहसंस्थापकले गरेका छन्।
दुबै जनाले रोयल टुलिप जस्तो प्रतिष्ठित ब्रान्डलाई नेपालमा ल्याउन महत्वपूर्ण भूमिका खेलेका छन्, जसले यस क्षेत्रमा नयाँ लक्जरी मापदण्ड स्थापना गर्नेछ। बुढानिलकण्ठको शान्त वातावरणमा अवस्थित यो लक्जरी रिसोर्ट त्रिभुवन अन्तरराष्ट्रिय विमानस्थलबाट ३० मिनेटमा पुग्न सकिन्छ ।
२६ रोपनी जमिनमा फैलिएको यो रिसोर्टले ७५ विस्तारित कोठाहरू, आधुनिक सुविधाहरू र नेपालको प्राकृतिक सौन्दर्यलाई एकीकृत गर्ने गरी डिजाइन गरेको। ५०० जना पाहुनाहरूलाई सेवा दिने उक्त रिसोर्टमा बैंक्वेट हल, विश्वस्तरीय स्पा, स्टीम रूम, निजी जकुजी र अन्य वेलनेस सुविधाहरू उपलब्ध हुनेछ।
सारोवर होटल्सका प्रबन्ध निर्देशक अजय बाकायाले, जसले हस्ताक्षर समारोहमा सहभागी भएका थिए, नेपालको लक्जरी बजारमा ब्रान्डको प्रवेशमा उत्साह व्यक्त गरे। भारत, अफ्रिका, अष्ट्रेलिया, फ्रान्स, र बेलायतमा ४५ वर्षभन्दा बढीको अनुभव संगालेका बाकायाले सारोवर होटल्सको उल्लेखनीय वृद्धिमा महत्वपूर्ण योगदान पुर्याएको कम्पनीले बताएको छ ।
१८० करोड रुपैयाँको लगानीमा निर्माण हुन लागेको यो रिसोर्टले बुढानिलकण्ठको शान्त वातावरणसँग लक्जरीलाई समायोजन गरी पाहुनाहरूका लागि एक आरामदायी र विलासी अनुभव सृजना गर्ने बताएको छ।
रोयल टुलिप सारोवर होटल्सको औपचारिक हस्ताक्षर समारोह मंगलबार भारतको नयाँदिल्लीमा हुन लागेको कम्पनीले बताएको छ ।यसबारेमा कम्पनीका अध्यक्ष कुँवरले रोयल टुलिपलाई नेपालमा ल्याउन पाउँदा खुसी लागेको बताए । रोयल टुलिप बुढानिलकण्ठ रिसोर्टले नेपालको बढ्दो पर्यटन क्षेत्रलाई उल्लेखनीय रूपमा योगदान पुर्याउने अपेक्षा छ ।
