काठमाडौं । मेडिकल व्यवसायी दुर्गा प्रसाईं पक्राउ परेका छन् । आज आइतबार दिउँसो उनलाई नेपाल प्रहरीको साइबर ब्युरोको टोलीले भक्तपुरस्थित उनकै निवासबाट पक्राउ गरेको हो ।
केही दिनअघि प्रसाईंविरुद्ध पक्राउ पुर्जी जारी भएको थियो । पक्राउ गर्न उनको घरमा पुगेको प्रहरी टोलीसँग प्रसाईँको विवादसमेत भएको थियो । साइबर अपराध गरेको कसुरमा काठमाडौं जिल्ला अदालतले उनीविरुद्ध पक्राउ पुर्जी जारी गरेको हो । सोही अनुरुप उनलाई आज नेपाल प्रहरीको साइबर ब्युरोको टोलीले पक्राउ गरेको हो ।
