काठमाडौं । प्रभु महालक्ष्मी लाइफ इन्स्योरेन्स लिमिटेडको लिडर्स मिट कार्यक्रम भव्य रुपमा सम्पन्न भएको छ । आज असोज ५ गते शनिबार काठमाडौं उपत्यकाभित्र रहेका ६०० बढि अभिकर्ताहरुको उपस्थितिमा लिडर्स मिट कार्यक्रम काठमाडौंमा भव्यताका साथ सम्पन्न भएको हो ।
सो कार्यक्रम कम्पनीका प्रमुख कार्यकारी अधिकृत सन्तोष प्रसाईले पानसमा दीप प्रज्वलन गरि कार्यक्रमको उद्घाटन गरे । त्यस्तै कम्पनीका नायब महाप्रबन्धक सोन बहादुर मगरले सहभागीहरुमा स्वागत मन्तब्य राखो थिए ।
कम्पनीका प्रमुख कार्यकारी अधिकृत प्रसाईले कार्यक्रमलाई सम्बोधन गर्दै अभिकर्ताहरुलाई काम गर्न जोस, जागर र प्रेरणा प्रदान गरेका थिए । अभिकर्ताहरुको जीवन बीमा व्यवसायमा आउने समस्याहरु समाधान गरेर व्यवसायीक कामलाई सहजिकरण गर्न कम्पनी सदैव तयार रहेको बताए । व्यवसायीक अभिकर्ताहरुलाई राष्ट्रिय तथा अन्तराष्ट्रिय फोरममा पहिचान बनाउने अवसर रहेको बताउँदै उक्त अवसरलाई हासिल गर्न शुभकामना व्यक्त गरे ।
कार्यक्रममा इन्स्योरेन्स सेल्स मोटिभेसनल कोच विजय कुमार झाको उत्प्रेरणात्मक सेसन रहेको थियो । विजय कुमार झाले उत्प्रेरणात्मक सेसनमा बीमा बिक्री कलालाई व्यवाहारिक र रोचक रुपमा प्रस्तुत गरेका थिए ।
कम्पनीका सहायक महाप्रबन्धक टिकादत्त प्याकुरेलले धन्यवाद व्यक्त गरी समापन गरिएको कार्यक्रमको सञ्चालन तालिम विभाग प्रमुख योगेन्द्र प्रसाद खतिवडाले गरेका थिए ।
