काठमाडौं । सीईडीबी हाइड्रोपावर डेभलपमेन्ट कम्पनीले असोज २१ गते साधारण सभा बोलाएको छ । कम्पनीले गत आर्थिक वर्षको मुनाफाबाट शेयरधनीहरुलाई बोनश शेयर वितरण गरेपपछि हकप्रद शेयर निष्काशन गर्ने भएको छ। कम्पनीको भदौ २९ गते बसेको सञ्चालक समितिको बैठकले यस्तो निर्णय गरेको हो ।
कम्पनीले हाल कायम चुक्ता पूँजीको ११ प्रतिशतका दरले बोनश शेयर वितरण गर्ने र बोनश शेयर वितरणपछि ५४.५ प्रतिशत हकप्रद शेयर निष्काशन गर्ने घोषणा गरेको छ। सो प्रस्ताव पारित गर्न कम्पनीले असोज २१ गते, कालिमाटी ब्याङ्क्वेट, कालिमाटी, काठमाडौँमा वार्षिक साधारण सभा बोलाएको हो । सभा बिहान १० बजे शुरु हुने कम्पनीको भनाई छ।
सभाले सञ्चालक समिितको आर्थिक वर्ष २०७९/ ८० र २०८०/ ८१ को वार्षिक प्रतिवेदन छलफल गरी पारित गर्ने, लेखा परीक्षकको प्रतिवेदन सहित आर्थिक वर्ष २०७९ /८० को वासलात, नाफा नोक्सान हिसाब तथा सोही अवधिको नगद प्रवाह विततरणमा छलफल गरी पारित गर्ने, आर्थिक वर्ष २०८०/ ८१ को लागि नियुक्त लेखा परीक्षक तथा नीजको पारिश्रमिक अनुमोदन गर्ने, स्वतन्त्र सञ्चालक नियुक्त गर्ने लगायतका प्रस्ताव पारित गर्नेछ ।
सभाले बोनश वितरण र हकप्रद निष्काशनको प्रस्तावसँगै प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, लेखापरीक्षक नियुक्त गर्ने लगायतका प्रस्ताव पारित गर्ने जनाएको छ।
साधारण सभा तथा लाभांश वितरण प्रयोजनार्थ कम्पनीले असोज ७ गते एक दिनका लागि बुकक्लोज गर्ने भएको छ। यस अनुसार असोज ६ गतेसम्म नेप्सेमा कारोबार भइ कायम शेयरधनीहरुले कम्पनीको साधारण सभामा सहभागिता जनाउनुको साथै प्रस्तावित लाभांश प्राप्त गर्न सक्नेछन्।
