काठमाडौं । अन्डाको भाउ फेरि बढेको छ। नेपाल लेयर्स कुखुरापालक संघले भोलि शुक्रबारदेखि लागू हुने गरी अन्डाको भाउ बढाएको हो।
संघको बिहीबार बसेको बैठकले चितवनलाई आधार मानेर अन्डाको समर्थन मूल्य तोकेको छ । अब प्रतिक्रेट मध्यम अन्डाको मूल्य प्रतिक्रेट ४३५ रुपैयाँ, ठूलो अन्डा ५१० रुपैयाँ र एक्सएल अन्डा ५२५ रुपैयाँ तय भएको संघले जनाएको छ।
यसअघि संघले भदौ ८ गते भाउ बढाएर प्रतिक्रेट एक्सएल अन्डाको ५०५ रुपैयाँ, ठूलो अन्डाको ४९५ रुपैयाँ र मध्यम अन्डाको मूल्य ४२५ रुपैयाँ तोकिएको थियो।
