काठमाडौं । कामना सेवा विकास बैंक लिमिटेडले माग गरेको कर्मचारीका लागि दरखास्त पेश गर्ने आज साउन १८ गते अन्तिम दिन रहेको छ । कम्पनीले सातै प्रदेशका लागि विभिन्न पदमा कर्मचारी माग गरेको छ । ईच्छुक तथा योग्यता पुगेकाले साउन १८ गतेसम्म आवेदन दिइसक्नुपर्नेछ । बैंकले ट्रेनी असिस्टेन्टमा सातै प्रदेशका लागि केही संख्यामा कर्मचारी माग गरेको हो ।
उक्त पदका लागि व्यवस्थापन संकायमा कम्तीमा ५० प्रतिशत वा २।४० जीपीए सहित प्लस टू उत्तीर्ण गरेको हुनुपर्ने जनाइएको छ । उमेरको हकमा १८ वर्ष पूरा भई २५ वर्ष ननाघेको हुनुपर्नेछ । महिलाको हकमा भने माथिल्लो उमेर हदमा ५ वर्ष थप हुनेछ ।
