काठमाडौं । नेपाल राष्ट्र बैंकले असल वर्गका कर्जामा न्यूनतम कर्जा नोक्सानी व्यवस्थाको सीमा घटाएको छ।
केन्द्रीय बैंकले आज बैंक तथा वित्तीय संस्था र लघुवित्त वित्तीय संस्थाका नाममा जारी एकीकृत निर्देशनमा संशोधन गर्दै असल वर्गका कर्जामा न्यूनतम कर्जा नोक्सानी व्यवस्थाको सीमा घटाएको हो। यो सीमा अब १.१ प्रतिशत कायम गरिएको छ। यसअघि क, ख र ग वर्षका बैंक तथा वित्तीय संस्थामा १.२ प्रतिशत र लघुवित्तमा १.३ प्रतिशत कायम थियो।
यसैगरी बैंक तथा वित्तीय संस्था र लघुवित्त संस्थाको सूक्ष्म निगरानी, कमसल, शंकास्पद र खराब कर्जामा नोक्सानीको व्यवस्था क्रमशः ५ प्रतिशत, २५ प्रतिशत, ५० प्रतिशत र १०० प्रतिशतलाई निरन्तरता दिइएको छ।
