काठमाडौं । राष्ट्रिय योजना आयोगको उपाध्यक्षमा शिवराज अधिकारी नियुक्त भएका छन्।
आज बसेको मन्त्रिपरिषदको बैठकले अधिकारीलाई राष्ट्रिय योजना आयोगको उपाध्यक्षमा नियुक्त गर्ने निर्णय गरेको हो। अधिकारी त्रिभुवन विश्वविद्यालयका अर्थशास्त्र केन्द्रीय विभाग प्रमुख हुन्। उनी यसअघि पनि आयोग सदस्यमा मनोनित भएका थिए।
मन्त्रिपरिषदको बैठकले आयोगमा अन्य ६ जना सदस्य पनि नियुक्त गरेको छ। सदस्यमा नियुक्त हुनेहरुमा गीताकुमारी पौडेल, जयबहादुर टण्डन आरपी विच्छा, रमेश सिंह, गंगादत्त अवस्थी र प्रकाश श्रेष्ठ छन्।
