काठमाडौं । आइसीएफसी फाइनान्स कम्पनीले महिला कर्मचारीका लागि मेहन्दी कार्यक्रमको आयोजना गरेको छ । श्रावण महिनाको पहिलो सोमबार पारी “मेहेन्दीको महिना, माया र सद्भावले लगाऔँ” भन्ने सन्देशसहित उनीहरुले एकआपसमा मेहन्दी लगाउने कार्यक्रम गरेका हुन् ।
मेहेन्दीको रङ्ग जस्तै सम्बन्धहरुलाई गाडा र रंगिन बनाउने अभिप्रायले आफ्ना कर्मचारी र ग्राहक तथा अन्य महिला दिदीबहिनी माझ मेहेन्दी कार्यक्रम भएको कम्पनीले जनाएको छ । कम्पनीले देशैभरी रहेका विभिन्न २१ वटा शाखाहरुमा उक्त कार्यक्रम सम्पन्न गरेको हो ।
