काठमाडौं । मलेसियाका बीमा कम्पनीहरुमध्ये मिलियन डलर राउन्ड टेबल (एमडीआरटी) वरियतामा लगातार आठौँपटक एआईए मलेसिया शीर्ष स्थानमा रहन सफल भएको छ।
लगातार ८ वर्षदेखि एआईए मलेसिया एमडीआरटी वरियतामा शीर्ष स्थानमा रहेको हो। एआईए मलेसियाबाट ९३९ जना एमडीआरटी बन्न सफल भएका छन्।
यसैगरी एनआईए मलेसियाबाट १६ जना टप अफ दि टेबल (टीओटी) र ८० जना कोर्ट अफ दि टेबल (सीओटी) बन्न सफल भएका छन्।
प्राइमर एड्भाइजर मोडेलले यो स्थान हासिल गर्न सफल भएको कम्पनीले जनाएको छ। यो मोडेलले भरपर्दो एजेन्ट भर्ना गर्ने र विकास गर्ने लक्ष्य राखेको छ।
एआईए मलेसियाको प्रमुख कार्यकारी अधिकृत बेन एनजीले कम्पनीले एमडीआरटी वरियतामा लगातार आठौँपटक नम्बर १ को उपाधि जित्न पाउँदा उत्साहित बनाएको बताए। ‘यसले हाम्रा प्रमुख सल्लाहकार र एजेन्सी लिडरको प्रतिबद्धता र विशेषज्ञतालाई प्रतिबिम्बित गर्दछ’, उनले भने, ‘यसले एआईए मलेसियाको उद्योग नेतृत्व र मलेसियनहरुलाई स्वस्थ, लामो र राम्रो जीवन बाँच्न मद्दत गर्ने प्रोफेसनल एजेन्सी फोर्स निर्माण गर्ने समर्पणलाई पुनः पुष्टि गरेको छ।’
