काठमाडौं । एनआईसी एशिया लघुवित्त वित्तीय संस्थाको प्रमुख कार्यकारी अधिकृतदमा चोलराज शर्मा जोशी नियुक्त भएका छन् । यसअघिका सीईओ लक्ष्मण चालिसेले एनआईसी एशिया बैंक लिमिटेडबाट डप्युटेड भई २०७७ कात्तिक ४ गतेदेखि कार्यभार सम्हाल्दै आएका थिए । उनलाई बैंकले यही साउन ६ गतेदेखि लागू हुने गरी फिर्ता बोलाएपछि कम्पनीले सीईओमा चोलराज शर्मा जोशीलाई नियुक्त गरेको हो ।
कम्पनीको साउन ६ गते बसेको सञ्चालक समितिको बैठकले चोलराजलाई साउन ७ गतेदेखि लागू हुने गरी ४ वर्ष कार्यकालका लागि नियुक्त गरेको हो ।
