काठमाडौं । स्वास्थ्य बीमा बोर्डले स्वास्थ्य बीमा कार्यक्रमको ‘सुविधा थैली’ अन्तर्गत परिमार्जित विवरण र भुक्तानी दररेट आउँदो साउन १ गतेबाट लागू गर्न निर्देशन दिएको छ।
बोर्डले सबै सेवा प्रदायक स्वास्थ्य संस्थाहरुका नाममा परिपत्र जारी गर्दै सुविधा थैलीअन्तर्गत परिमार्जित विवरण र भुक्तानी दररेट साउन १ गतेबाट लागू गर्न निर्देशन दिएको हो। बोर्डले सुविधा थैलीमा समावेश गरिएका सामान्य प्रकारका सुविधामा परिमार्जन गरेर स्वास्थ्य बीमाअन्तर्गतका सुविधाहरु परिमार्जन गरेको छ।
बोर्डले सुविधा थैलीमा समावेश गरिएका सुविधा र दररेटलाई समय सान्दर्भिक बनाउनुपर्ने निष्कर्षसहित परिमार्जन गरेको थियो। बोर्डले हाल सुविधा थैलीअन्तर्गतका सेवासुविधाको विवरण तथा दररेट र आंशिक अध्यावधिक गरिएको सुविधा थैलीमार्फत बीमितलाई सेवा प्रदान गर्दै आएको छ।
बोर्डको वेबसाइटमा अपलोड गरिएको परिमार्जित विवरण तथा दररेटबमोजिम कार्यान्वयन गर्न परिपत्रमा निर्देशन दिइएको छ।
new Benefit_Package
