काठमाडौं । दक्षिण कोरियाली टेक कम्पनी सामसुङ कम्पनीका कर्मचारीहरु अनिश्चितकालीन आन्दोलनमा उत्रिएका छन्।
पछिल्लो ३ दिनको आमहड्तालपछि सामसुङ कम्पनीका कर्मचारीहरुले आजबाट अनिश्चितकालीन आन्दोलनमा उत्रिएका हुन्। उनीहरुको मुख्य माग भनेको तलब र भत्ता वृद्धि गर्नुपर्ने रहेको छ।
आफ्ना मागबारे व्यवस्थापन पक्षले चासो नदिएपछि आफूहरुले अनिश्चितकालीन आन्दोलनमा उत्रिनुपरेको नेसनल सामसुङ इलेक्ट्रोनिक्स युनियनले जनाएको छ। युनियनमा आबद्ध करिब ३ हजार कर्मचारी काम छाडेर आन्दोलनमा उत्रिएका छन्।
कर्मचारी आन्दोलनमा उत्रिएपछि कम्पनीको उत्पादन प्रभावित बनेको छ। कर्मचारी आन्दोलनबारे कम्पनीको प्रवक्ताले भने बोल्न चाहेनन्। –एजेन्सी
