विभिन्न स्थानमा वर्षाको बितन्डा, बाढीपहिरोमा परी २० को मृत्यु

काठमाडौं । लगातारको वर्षा देशभरको जनजीवन प्रभावित बनेको छ। ठाउँ–ठाउँमा बाढी र पहिरोले बितन्डा मच्चाइरहेको छ।

नेपाल विपद जोखिम व्यवस्थापन समितिको तथ्यांकअनुसार पछिल्लो एक सातामा बाढीपहिरोमा परी विभिन्न स्थानमा २० जनाले ज्यान गुमाएका छन्। समितिका अनुसार यो एक साताको अवधिमा देशका विभिन्न स्थानमा पहिरोमा परी १२ जना र बाढीले बगाएर ८ जनाको मृत्यु भएको हो।

देशका विभिन्न ११२ स्थानमा पहिरो गएको छ। बाढीबाट भएका क्षतिको घटना ३२ वटा भएका छन्।