काठमाडौं । आज शुक्रबार पनि सुन चाँदीको भाउ बढेको छ । हिजो प्रतितोला १ लाख ४४ हजार ३०० रुपैयाँमा कारोबार भएको छापावाला सुन आज तोलामा १ सय रुपैयाँले बढेर प्रतितोला १ लाख ४४ हजार ४०० रुपैयाँमा कारोबार भइरहेको छ ।
त्यस्तै, तेजावी सुन पनि प्रतितोला १ सय रुपैयाँले नै बढेर आज १ लाख ४३ हजार ७ सय रुपैयाँमा कारोबार भइरहेको छ । आज चाँदीको मूल्य आज ५ रुपैयाँले बढेर चाँदी प्रतितोला १८ सय ७० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
