काठमाडौं । सानिमा बैंकले संस्थापक शेयर विक्री गर्ने भएको छ । बैंकले ४९ हजार ५० कित्ता संस्थापक शेयर सर्वसाधारणका लागि बिक्री गर्ने भएको हो । बैंकले यसअघि विद्यमान संस्थापक शेयरधनीहरुका लागि ३५ दिने सूचना प्रकाशित गरेर बिक्री आवेदन खुलाएकोमा सो शेयरमा कुनै पनि आवेदन नपरेकाले सर्वसाधारणका लागि बिक्री गर्न लागेको हो ।
कम्पनीको उक्त शेयर खरिदका लागि न्यूनतम १ हजार कित्ताका लागि आवेदन दिनुपर्नेछ । कम्पनीले उक्त शेयर आम सर्वसाधारण, कम्पनी तथा संघ संस्थाहरुले खरिद गर्न सक्नेछन् । ईच्छुक लगानीकर्ताले सूचना प्रकाशित भएको मितिले १५ दिनभित्र कम्पनीको नक्सालस्थित केन्द्रीय कार्यालयमा आवेदन दिनुपर्नेछ ।
